4

ഇ​രു​പ​തു കോ​ള​ജ് വി​ദ്യാ​ർ​ഥി​ക​ളും പ​ന്ത്ര​ണ്ടു മു​തി​ർ​ന്ന പൗ​ര​ന്മാ​രും ചേ​ർ​ന്നു ന​ട​ത്തി​യ ഒ​രു "അ​ടി​പൊ​ളി' യാ​ത്ര​യെ​ക്കു​റി​ച്ച്...

കോ​ള​ജി​ൽ​നി​ന്നു​ള്ള ട്രി​പ് എ​ന്നു​കേ​ട്ടാ​ൽ മ​ന​സി​ൽ​വ​രു​ന്ന ആ​ദ്യ​ത്തെ​വാ​ക്ക് അ​ടി​പൊ​ളി എ​ന്നാ​യി​രി​ക്കും. തു​ട​ക്കം​മു​ത​ൽ ഒ​ടു​ക്കം​വ​രെ യു​വ​ത്വ​ത്തി​ന്‍റെ ആ​ഘോ​ഷം. ആ ​കൂ​ട്ട​ത്തി​ലേ​ക്കു കു​റ​ച്ചു സീ​നി​യ​ർ സി​റ്റി​സ​ൺ​സ് ക​ട​ന്നു​വ​ന്നാ​ൽ എ​ന്താ​വും മൂ​ഡ്‍? മൊ​ത്തം സീ​ൻ ഡാ​ർ​ക്കാ​വു​മെ​ന്നു ക​രു​തി​യാ​ൽ തെ​റ്റി. ഇ​താ, ര​ണ്ടു ത​ല​മു​റ​ക​ൾ ഒ​ന്നി​ച്ച ഒ​ര​പൂ​ർ​വ സ്റ്റ​ഡി ടൂ​റി​ന്‍റെ വൈ​ബ് കാ​ണു​ക.

ഗു​രു​വാ​യൂ​ർ ലി​റ്റി​ൽ ഫ്ല​വ​ർ കോ​ളേ​ജി​ലെ മ​ല​യാ​ള വി​ഭാ​ഗം വി​ദ്യാ​ർ​ഥി​ക​ൾ​ക്കാ​യി ഒ​രു സ്റ്റ​ഡി​ടൂ​ർ തീ​രു​മാ​നി​ച്ച​പ്പോ​ൾ അ​ധ്യാ​പി​ക ഡോ. ​അ​ന്നം സി​നി ആ​ദ്യം ആ​ലോ​ചി​ച്ച​ത് കെ​എ​സ്ആ​ർ​ടി​സി​യു​ടെ ബ​ജ​റ്റ് ടൂ​റി​സ​ത്തെ​ക്കു​റി​ച്ചാ​ണ്. ഉ​ട​നെ ഗു​രു​വാ​യൂ​രി​ലെ ഡി​പ്പോ​യു​മാ​യി ബ​ന്ധ​പ്പെ​ട്ടു.

ട്രി​പ്പ് സെ​റ്റാ​ണെ​ങ്കി​ലും ഒ​രു ചെ​റി​യ പ്ര​ശ്നം- വി​ദ്യാ​ർ​ഥി​ക​ൾ മാ​ത്ര​മാ​യാ​ൽ ഒ​രു ബ​സി​ലേ​ക്കു​ള്ള യാ​ത്ര​ക്കാ​ർ തി​ക​യി​ല്ല. ടൂ​ർ കോ-​ഓ​ർ​ഡി​നേ​റ്റ​ർ ഷൈ​ജു ഉ​ട​നെ പോം​വ​ഴി​യു​മാ​യെ​ത്തി- പു​റ​ത്തു​നി​ന്ന് കു​റ​ച്ചു​പേ​രെ ഉ​ൾ​പ്പെ​ടു​ത്താം. അ​ങ്ങ​നെ ആ ​കൂ​ട്ട​ത്തി​ലേ​ക്ക് മു​തി​ർ​ന്ന പൗ​രന്മാ​രാ​യ 12 പേ​ർ എ​ത്തി. ര​ണ്ടു ത​ല​മു​റ​ക​ൾ ചേ​ർ​ന്നു​ള്ള ഒ​രു യാ​ത്ര​യ്ക്ക് അ​വി​ടെ തു​ട​ക്ക​മാ​വു​ക​യാ​യി​രു​ന്നു.

ഇ​ല്ലി​ക്ക​ൽക​ല്ല് കാ​ണു​വാ​നാ​യി​രു​ന്നു യാ​ത്ര. കൂ​ടെ ഇ​ല​വീ​ഴാ​പ്പൂ​ഞ്ചി​റ​യും മ​ല​ങ്ക​ര ഡാ​മും. പു​ല​രി​യി​ൽ കെ​എ​സ്ആ​ർ​ടി​സി ഉ​ല്ലാ​സ​യാ​ത്രാ​വ​ണ്ടി ഗു​രു​വാ​യൂ​ർ സ്റ്റാ​ൻ​ഡി​ന്‍റെ പ​ടി​യി​റ​ങ്ങു​മ്പോ​ൾ തീ​രു​മാ​നി​ച്ചു​റ​പ്പി​ച്ച കൃ​ത്യ​സ​മ​യം. മ​മ്മി​യൂ​ർ എ​ൽ​എ​ഫ് കോ​ള​ജ് സ്റ്റോ​പ്പി​ൽ​നി​ന്നു മ​ല​യാ​ള വി​ഭാ​ഗം പ്ര​ഫ​സ​റും ഇ​രു​പ​തു കു​ട്ടി​ക​ളും​കൂ​ടി ക​യ​റി​യ​തോ​ടെ ബ​സി​ന​കം ആ​ന​ന്ദ ല​ഹ​ള​മ​യം.

കു​ട്ടി​ക​ൾ​ക്കി​ത് പ​ഠ​ന​യാ​ത്ര​യു​ടെ ഭാ​ഗ​മാ​യു​ള്ള പ്രോ​ജ​ക്ടു​കൂ​ടി​യാ​ണ്. തൊ​ടു​പു​ഴ​യി​ൽ​നി​ന്നു പ്രാ​ത​ൽ​ക​ഴി​ച്ച് മ​ല​ങ്ക​ര അ​ണ​ക്കെ​ട്ടി​ൽ ബ​സെ​ത്തു​മ്പോ​ൾ സ്വ​ർ​ണ​വ​ർ​ണ​മു​ള്ള ഇ​ളം​വെ​യി​ൽ തെ​ളി​ഞ്ഞു​നി​ന്നു. എ​ല്ലാ​വ​രും​ചേ​ർ​ന്ന് ഗ്രൂ​പ്പ്ഫോ​ട്ടോ​യൊ​ക്കെ എ​ടു​ത്ത് പൂ​ക്ക​ളു​ടെ നി​റ​പ്പ​കി​ട്ടി​ലൂ​ടെ അ​ണ​ക്കെ​ട്ടും മ​ല​ങ്ക​ര ജ​ലാ​ശ​യ​വും ചു​റ്റി​ന​ട​ന്നു ക​ണ്ടു. പൂ​ന്തോ​ട്ട​ത്തി​ൽ ക​യ​റി​യ​പ്പോ​ൾ മു​തി​ർ​ന്ന​വ​ര​ട​ക്കം എ​ല്ലാ​വ​രും കു​ട്ടി​ക​ളാ​യി. സ്വിം​ഗി​ലും സീ​സോ​യി​ലും സ്ലൈ​ഡി​ലും ആ​വേ​ശ​ത്തോ​ടെ ക​യ​റി പ്രാ​യം​മ​റ​ന്നു​ള്ള ഉ​ല്ലാ​സം. ഏ​റെ​നേ​രം ജ​ലാ​ശ​യ​പ്പ​കി​ട്ടി​ലേ​ക്ക് ഊ​ഞ്ഞാ​ലാ​ട്ട​വും.

ഇ​ല​വീ​ഴാ​പ്പൂ​ഞ്ചി​റ​യി​ലേ​ക്ക്

മ​ല​ങ്ക​ര​യി​ൽ​നി​ന്നു തോ​ട്ട​ങ്ക​ര​പ്പാ​ലം ക​ട​ന്ന് ക​യ​റ്റം​ക​യ​റി കാ​ഞ്ഞി​രം​ക​വ​ല ചു​റ്റി ഇ​ല​വീ​ഴാ​പ്പൂ​ഞ്ചി​റ ല​ക്ഷ്യ​മാ​ക്കി യാ​ത്ര തു​ട​ർ​ന്നു. മേ​ലു​കാ​വും​ക​ട​ന്ന് ബേ​ക്ക​ർ ജം​ഗ്ഷ​നി​ൽ​നി​ന്ന് ഇ​ട​ത്തോ​ട്ടു​തി​രി​ഞ്ഞ് പെ​രി​ങ്ങാ​ലി​ലെ​ത്തി. ആ​ളു​ക​ളെ ഇ​റ​ക്കി കെ​എ​സ്ആ​ർ​ടി​സി സൂ​പ്പ​ർ ഫാ​സ്റ്റ് വി​ശ്ര​മ​ത്തി​ലാ​ണ്ടു. ബ​സി​റ​ങ്ങി​യ​വ​ർ ആ​റു ഗ്രൂ​പ്പു​ക​ളാ​യി തി​രി​ഞ്ഞ് ഫോ​ർ​വീ​ൽ​ഡ്രൈ​വ് ജീ​പ്പു​ക​ൾ​പി​ടി​ച്ച് ഓ​ഫ്റോ​ഡ് വ​ഴി​ക​ളി​ലൂ​ടെ മ​ല​ക​ളോ​രോ​ന്നാ​യി ക​യ​റി​യി​റ​ങ്ങു​വാ​ൻ​തു​ട​ങ്ങി.

ആ​ദ്യം മു​നി​യ​റ​യി​ലേ​ക്ക്. കു​ത്ത​നെ​യു​ള്ള ചെ​രി​വി​ലൂ​ടെ ഉ​ൾ​ക്കാ​ട്ടി​ലേ​ക്കി​റ​ങ്ങി വ​ല​ത്തോ​ട്ട് നൂ​ണ്ടി​റ​ങ്ങി​യെ​ത്തു​ന്ന അ​ടി​ത്ത​ട്ടി​ൽ വെ​ള്ളം​നി​റ​ഞ്ഞു​കി​ട​ക്കു​ന്നൊ​രു ഗു​ഹ​യാ​ണ് മു​നി​യ​റ. ടോ​ർ​ച്ച് തെ​ളി​യി​ക്ക​ണം മു​ന്നോ​ട്ടു​പോ​കാ​ൻ. കി​ളു​ർ​പ്പു​ള്ള ചു​മ​രു​ക​ളി​ൽ പാ​മ്പു​ക​ളും വ​വ്വാ​ലു​ക​ളും ഉ​ണ്ട്.

അ​ടു​ത്ത മ​ല​യി​ലാ​ണ് സാ​ക്ഷാ​ൽ ഇ​ല​വീ​ഴാ​പ്പൂ​ഞ്ചി​റ. ചു​റ്റി​ലു​മു​ള്ള മ​ല​ക​ൾ​ക്കു ന​ടു​വി​ൽ ഇ​ല​ക​ൾ തീ​രെ​വീ​ഴാ​ത്ത ഒ​രു കു​ളം. വെ​ള്ള​ത്തി​ന്‍റെ ശു​ദ്ധി എ​ടു​ത്തു​പ​റ​യ​ണം. പ​ണ്ട് പ​ഞ്ചാ​ലി ഈ ​ചി​റ​യി​ൽ കു​ളി​ച്ചെ​ന്നും ക​ഥ​ക​ളു​ണ്ട്.

ഏ​താ​നും വ​ർ​ഷ​ങ്ങ​ൾ​ക്കു​മു​ന്പു പു​റ​ത്തി​റ​ങ്ങി​യ "ഇ​ല​വീ​ഴാ​പ്പൂ​ഞ്ചി​റ' എ​ന്ന സി​നി​മ​യു​ടെ ഷൂ​ട്ടിം​ഗ് ലൊ​ക്കേ​ഷ​നി​ലേ​ക്കാ​ണ് അ​ടു​ത്ത മ​ല​ക​യ​റ്റം. ഒ​രു പു​ൽ​മേ​ടി​നു​മു​ക​ളി​ലെ പോ​ലീ​സ് വ​യ​ർ​ലെ​സ് സ്റ്റേ​ഷ​ൻ പോ​യി​ന്‍റ്. ജീ​പ്പി​റ​ങ്ങി മ​ല​മു​ക​ളി​ലേ​ക്കു​ള്ള ന​ട​പ്പ് ലേ​ശം ക​ടു​പ്പ​മാ​ണ്. വെ​യി​ലു​ണ്ടെ​ങ്കി​ലും ചെ​റി​യൊ​രു ത​ണു​പ്പ്. മു​തി​ർ​ന്ന​വ​ർ​ക്കും ആ​വേ​ശം. മ​ല​ക​യ​റ്റ മ​ത്സ​ര​ത്തി​ൽ വി​ദ്യാ​ർ​ഥി​ക​ളാ​യി​രു​ന്നു മു​ന്നി​ൽ. മ​ല​മു​ക​ളി​ൽ​നി​ന്നാ​ൽ മ​ല​ങ്ക​ര ജ​ലാ​ശ​യം മു​ഴു​വ​ൻ ഒ​റ്റ കാ​ഴ്ച​യി​ൽ കി​ട്ടും. സി​നി​മാ ഷൂ​ട്ടിം​ഗ് ന​ട​ന്ന ത​ക​ര​വീ​ട് ഉ​പ​യോ​ഗ​ശൂ​ന്യ​മാ​യി ഇ​പ്പോ​ഴു​മു​ണ്ട്. പ​ഴ​യ കാ​റ്റാ​ടി ച​ക്രം നി​ല​ത്തു വീ​ണു​കി​ട​ക്കു​ന്നു.

മ​ല​യി​റ​ങ്ങി​വ​ന്ന് ജീ​പ്പു​യാ​ത്ര തീ​ർ​ത്ത് കാ​നാ​ൻ​തോ​ട് ക​ട​ന്ന് ഉ​ല്ലാ​സ​വ​ണ്ടി ഇ​ല്ലി​ക്ക​ൽ ക​ല്ലി​ലേ​ക്കു​ള്ള ക​യ​റ്റം ക​യ​റി​ത്തു​ട​ങ്ങി. കാ​പ്പി​ക്കാ​ടു​ക​ളും ഏ​ല​ക്കാ​ടു​ക​ളും മു​ള​ങ്കാ​ടു​ക​ളും ക​ട​ന്നു​പോ​കു​ന്നു. കൊ​ടി​യ ക​യ​റ്റ​ങ്ങ​ളി​ലെ വ​ള​വു​ക​ളും തി​രി​വു​ക​ളും ഒ​ന്നി​നു​പി​റ​കെ ഒ​ന്നാ​യി ആ​ഘോ​ഷ​മാ​യെ​ത്തു​ന്നു. ആ​കാ​ശം​മു​ട്ടു​ന്ന കോ​ട്ട​യാ​യി നീ​ളു​ന്നൊ​രു ഒ​റ്റ​ക്ക​ൽ​മ​ല അ​ടു​ത്ത​ടു​ത്തു വ​രു​ന്നു​ണ്ടാ​യി​രു​ന്നു. ഇ​റ​ക്കം തു​ട​ങ്ങി​യ​പ്പോ​ൾ കു​ട്ടി​ക​ൾ ഉ​ഷാ​റാ​യി. വേ​ൽ​മു​രു​ക​ൻ പാ​ട്ട് ഉ​ച്ച​ത്തി​ൽ വ​ച്ച് അ​വ​ർ ബ​സി​ൽ ആ​ടി​ത്തി​മി​ർ​ത്തു. കൈ​യ​ടി​ക്കാ​ൻ സീ​നി​യ​ർ ഫ്ര​ണ്ട്സും. വി​ശ​ന്ന​പ്പോ​ൾ മൂ​ന്നി​ല​വി​ൽ വ​ണ്ടി​നി​ന്നു. ഉ​ച്ച​ഭ​ക്ഷ​ണം അ​വി​ടെ​നി​ന്ന്.

ക​ല്ലി​ലേ​ക്ക് ഒ​പ്പ​ത്തി​നൊ​പ്പം

പി​ന്നെ​യാ​യി​രു​ന്നു ഇ​ല്ലി​ക്ക​ൽ ക​ല്ലി​ലേ​ക്കു​ള്ള ക​യ​റ്റം. കു​റ​ച്ചു​ദൂ​രം ജീ​പ്പി​ലെ​ത്തി. തു​ട​ർ​ന്ന് മൂ​ക്ക് മു​ട്ടി​ൽ​ത​ട്ടു​ന്ന ക​യ​റ്റം. മു​തി​ർ​ന്ന​വ​രും കു​ട്ടി​ക​ളും ഒ​പ്പ​ത്തി​നൊ​പ്പം ന​ട​ന്നു. സ്റ്റീ​ൽ​ക​മ്പി വേ​ലി​യി​ട്ട ന​ട​പ്പാ​ത​യി​ൽ ആ​ദ്യ​ത്തെ വ​ള​വു​തി​രി​ഞ്ഞാ​ൽ ആ​ദ്യം കാ​ണു​ന്ന​താ​ണ് ഇ​ല്ലി​ക്ക​ൽ ക​ല്ല്. ക​രി​ങ്ക​ല്ലി​ൽ കൊ​ത്തി​യ ആ​കാ​ശം നോ​ക്കു​ന്നൊ​രു മ​നു​ഷ്യ ശി​ര​സ്സാ​ണെ​ന്നേ അ​പ്പോ​ൾ തോ​ന്നൂ. പി​ന്നെ പ​തു​ക്കെ പ​തു​ക്കെ മു​ക​ളി​ലേ​ക്ക് പി​ടി​ച്ചു​ക​യ​റ​ണം.

മൂ​ത്ത​വ​രും ഇ​ള​യ​വ​രും ക​ളി​യും ചി​രി​യു​മി​ല്ലാ​തെ മ​ത്സ​രി​ച്ചു കി​ത​ച്ചു. ഏ​റ്റ​വും മു​ക​ളി​ലെ​ത്തു​മ്പോ​ഴാ​ണ് "കു​ടു​മ​വ​ച്ചൊ​രു മ​നു​ഷ്യ​നാ​'യി​രു​ന്നു ഇ​ല്ലി​ക്ക​ൽ​ക്ക​ല്ലെ​ന്ന് തി​രി​ച്ച​റി​യു​ക. നി​ര​നി​ര​യാ​യി നി​ൽ​ക്കു​ന്ന മൂ​ന്നു കൂ​ർ​ത്ത മ​ല​ക​ളാ​ണ് ഇ​ല്ലി​ക്ക​ൽ ക​ല്ല്. ഇ​ടി​മി​ന്ന​ലി​ൽ നി​ശ്ച​ല​മാ​യ ആ​ദി​മ മ​നു​ഷ്യ​രാ​ണ് ഇ​ല്ലി​ക്ക​ൽ​ക്ക​ല്ലെ​ന്നാ​ണ് ഇ​വി​ട​ത്തെ ഐ​തി​ഹ്യം.

മ​ല​യി​റ​ങ്ങി​യു​ള്ള മ​ട​ക്ക​യാ​ത്ര​യി​ൽ ഉ​ച്ച​ത്തി​ലു​ള്ള പാ​ട്ടും ആ​ട്ട​വു​മാ​യി കെ​എ​സ്ആ​ർ​ടി​സി ഉ​ല്ലാ​സ​വ​ണ്ടി ന​ഗ​ര​നി​ര​ത്തു​ക​ളി​ലൂ​ടെ പാ​ഞ്ഞു. ക​ണ്ട​വ​രെ​ല്ലാം സ​ന്തോ​ഷം​പൂ​ണ്ടു​നി​ന്നു.